رواية هوس الثلاثيني (كاملة جميع الفصول) بقلم مي جمعه
تالا: انتي هبلة يابنتي اخوكي ايه دا الي اتجوزه..!؟
تسنيم: يابنتي ليه بس دانتو هتبقو لايقين اوي على بعض..؟
تالا بسخرية: بذمتك لايقين من انهي ناحية..؟ ظابط وطالبة ثانوي دا كفاية فرق السن ياحلاوة فعلا من كتر ماحنا لايقين مش قادره اتخيل...
تسنيم: بتهزري حضرتك.. بعدين عادي يعني الفرق مش كتير...
تالا: ماهو لازم اهزر بعد كلامك دا.. قال انا واخوكي سوا ركزي الله يكرمك في مذاكرتك مش ناقصين مجاميع قليلة.
وفي مكان تاني في نفس البيت كان هو واقف وسامع كلامها الي كان بالنسباله قضى على اي امل انهم يكونو سوا فيه حس بالحزن من كونها محبتوش وشايفاه كبير عليها ميعرفش ايه هيكون موقفها لما تعرف السر الي هو مخبيه
تالا: يلا استأذن انا بقى لازم اروح يادوب الحق انام شوية قل معاد الدرس..
تسنيم: ليه بس ماتخليكي معاية بالله عليكي باتي عندي النهاردة.. انتي كدة. كدة هتروحي تقعدي لوحدك وتزهقي يبقى ليه بقى بلاها مرواح وباتي عندي..
بصلتها بحزن مقدرتش اخبيه بسبب كلامها... ومقدرتش ارد
تسنيم: انا اسفة والله ياتالا مش قصدي... انتي عارفة والله ماقصدت الي فهمتيه... انا بس عشان بحب اقعد معاكي اكتر وقت انتي عارفة غلاوتك عندي واني عمري مااحب ابدا اقول كلمة تزعلك انا اسفه...
تالا: ولايهمك ياحبيبتي... بس انتي عارفة ان من وقت ماكبرنا وانا مش بنام عندكم عشان اخوكي مينفعش حرام وميصحش.. زمان بسبب الظروف كنت بنام عندكم لاني كنت لسة طفلة.. وبعدين كل دا ومتعودتيش خلاص اني بطلت انام عندكم واصلا الشقة قدام الشقة يعني مش بعيدة عنك يلا سلام بقى تصبحي على خير.
تسنيم: وانتي من اهل الجنة.
خرجت وانا بحاول اعدي بسرعة ناحية باب الشقة عشان اتجنب اني اشوفه مش هستحمل يكون قدامي وعيني متجيش عليه.. لا هعرف اسيطر على قلبي الي مش بيبطل دق في قربه ولا لبخة كلامي الي مبتطلعش غير في وجوده...
انا تالا عندي ١٧سنة عايشة لوحدي من يوم موت ابويا وامي من سنتين... فتحت عيني على الدنيا ومن وقتها وانا عرفت تسنيم صاحبتي واخوها ادهم الي عايشين قصاد بيتي.. من اول ماعرفت يعني ايه حب وانا بحبه... ادهم الي دايما بيتعامل معاية كأني اخته الصغيرة زي تسنيم لكن قلبي معرفش يشوفه غير حبيبي... الي عارفة ومتأكدة اننا عمرنا مانكون لبعض هو الرائد ادهم وانا تالا طالبة الثانوي.. حتى لو عرف بحبي هيقولي دا حب مراهقة ميعرفش ان مفيش حد ممكن يحبه ادي
ام تسنيم: ايه يابنتي خلاص ماشية..؟
تالا: ايوة ياطنط يادوب الحق لازم نصحى بدري بكرة..
ام تسنيم: طب اقعدي بس اتعشي معانا ياحبيبتي...
تالا: لا مش هقدر تسلميلي ياطنط...
ام تسنيم: لا مفيش الكلام دا.. هتقعدي ولا انتي عايزة تزعليني..؟
تالا: ابدا والله خلاص حاضر..
تسنيم: اخيرا انا عارفة محدش يقدر يقنعك تفضلي معانا شوية كمان غير ماما.
ابتسمتلها وبعدين لقيتها بتبصلي بطريقة غريبة وهي بتسأل مامتها
تسنيم: هو فين ادهم ياماما.. مش هيتعشى معانا ولا لسة في شغله..؟
ام تسنيم: لا ياحبيبتي رجع وقاعد في اوضته.. ادخلي ناديه على مااخلص الاكل.
تسنيم: من عنيا.
تالا: وانا بقى هقوم اساعدك ها اعمل ايه..؟
ام تسنيم: خلصت اهو يابنتي متتعبيش نفسك..
تالا: ولا تعب ولا حاجة ولا انا بقى مش زي تسنيم..؟
ام تسنيم: يعلم ربنا يابنتي ان من يوم ولادتك وانا خلاص حسيت ان عندي تلت عيال مش اتنين... بس خلاص مدام عايزة تساعدي اوي قدامي على المطبخ.
روحت معاها اساعدها وانا بحاول اتجنب اي مكان يكون فيه يادوب على الاكل هاكل اي حاجه وامشي علطول.. خلصنا وكانت تسنيم لسة مجتش هي وادهم
في اوضة ادهم
تسنيم: ياادهم بقى يلا بقالي ساعة بصحيك قوم عشان تتعشى..
ادهم: خلاص بقى ياتسنيم قولتلك مش عايز..
تسنيم: خلاص بقى هقوم اقول لماما وتالا انك مش عايز تاكل معانا..
ادهم: ايه هي تالا لسة هنا ممشيتش..!؟
تسنيم بضحك: ومالك وقفت فجأة كدة ليه..؟ اه ياحبيبي لسة هنا بردو مش عايز تتعشى
ادهم: احم لا هخرج بقى عشان متعبش ماما تعملي اكل بعد شوية كمان...
تسنيم ضاحكة بسخرية: اه فعلا انت بتخاف على تعب ماما جدا يلا.
خرجوا وانا قاعدة مع طنط على السفرة واول ماعيني وقعت عليه حسيت بقلبي متكركب من التوتر مجرد وجوده معاية في نفس المكان بيوترني
ادهم: ازيك ياتالا..؟
حاولت اخرج صوتي طبيعي وانا برد عليه
تالا: الحمدلله.. ازيك انت ياادهم...؟
ادهم: الحمدلله بخير.. ايه اخبار مذاكرتكم
تالا: كويسة.
ادهم: ربنا معاكم يابنات.
بحسه دايما بيتكلم معاية ببردو كأنه قاصد يعرفني اني لسة حتة العيلة الي كان بيلعبها مع اخته.. كأنه مش شايف اني كبرت..! كلت بسرعة وانا بحاول مبصش ناحيته
تالا: تسلم ايدك ياطنط استأذن انا بقى..
ام تسنيم: على فين يابنتي انتي لحقتي تاكلي حاجة..؟
تالا: لا خلاص الحمدلله.. اشوفكم بكرة على خير ان شآء الله
تسنيم: سلام ياقمر اشوفك بكرة.
تالا: باي.
روحت شقتي الي الوحدة مالياها خلصت كل الي ورايا فيها ونمت
صحيت على صوت خبط على الباب اكيد دي تسنيم قومت لبست وجهزت نفسي وفتحت
تالا: انت..!؟
#هوس_الثلاثيني
#االبارت_الاول
#مي_جمعة
